 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
«Son škodzić» –
Zaŭsiody napaminałi,
Budziačy mianie na pastvu.
A da mianie
Nijak nie dachodziła
Heta mudraść starejšych,
Bo časta,
Kałi adna maja ruka
Vyzvalałasia ad snu,
Druhaja – nie mahła vyrvacca
Ź jaho pavucińnia,
Kałi adna naha
Stupała na paroh sonca,
Druhaja – čaplałasia
Za vałuny nočy
Ci pravalvałasia
Ŭ jaje biazdońnie.
I tolki z hadami,
Kałi stolki maich siabroŭ
Zasnuła nieprabudnym snom
Na darohach,
Na brustvierach akopaŭ,
Na baroznach ralłi,
Na viaršyniach hor,
Na chvalach akijanaŭ
I navat na dalokich zorach, –
Ja pačynaju dumać:
Znać, nie darma
Mianie papieradžałi
Ab niebiaśpiecy snu.
29.VIII.1975
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
